Rritja e prodhimit të hashashit, ulet çmimi, ja sa shitet dhe blihet (TABELA)

Çmimi i kanabisit në tregun kriminal shqiptar ka ndryshuar. Pas një rritjeje gati 6-fish që pësoi çmimi i hashashit menjëherë pasi Policia goditi Lazaratin, në vitin 2016 dhe momentalisht, shifrat kanë ndryshuar muajt e fundit.  Çmimi tashmë është ulur,  ka shkuar thuajse në ato nivele ku ishin çmimet para operacionit në fshatin jugor në Gjirokastër.

Sipas të dhënave, sasia e madhe që hidhet në treg e ka ulur vlerën e kanabisit 3 herë më pak nga ç’ishte para goditjes së Lazaratit, shkruan një portal online.  Një kilogram hashash shietet në vendin tonë me 100 euro, nga 300-400 që ishte gjatë kohës së Lazaratit. Rënia drastike e çmimit shpjegohet vetëm me rritjen e madhe të prodhimit. Rrjedhimisht, prodhimi i madh në vend ka bërë që hashashi shqiptar të blihet shumë më lirë edhe jashtë kufijve, për shkak se edhe në vendin tonë tregëtohet me cmim më të ulët.

 Më parë në shtetin grek një kilogram hashash shitej 800-900 euro. Në fillim të vitit 2016, një kilogram hashash atje shitej deri në 1600 euro. Pra, thuajse është përgjysmuar vlera e kanabisit. Por edhe atje, si për shembull, në Itali apo në Holandë, çmimi ka pësuar rënie të ndjeshme. Në Itali 1 kilogeramë hashash shitet deri në 1000 euro, nga 1500-1700 euro që ishte në fillim të 2016- s, ndërsa në Holandë maksimumi deri në 1500 euro, nga 2200-2500 euro. Ekspertët shprehen se kjo ka ndodhur për shkak të mbiofertës.

Çmimet para aksionit në Lazarat: 

Lazarari i dha një goditje të madhe trafikimit të lehetësishëm të drogës. Sipas oficerëve, një vit para goditjes në Lazarat, një qese me hashash kushtonte 500 lekë të rinj, kurse pas operacionit në fshatin jugor, e njëjta sasi kushton sa tri herë më shumë, pra 1500 lekë të rinj. Rrjedhimisht, ndryshime pësoi edhe tregu i shitjes me shumicë të hashashit, si brenda dhe jashtë vendit.

Nëse një vit para operacionit në Lazarat, një kilogram kanabis shkonte 300-400 euro, pas tij çmimi u gjashtëfishua. Një kilogram hashash mund të blihet brenda vendit deri në 2600 euro, ndërsa jashtë Shqipërisë shitej thuajse dyfish. Sipas tyre, çmimi pësoi rritje për shkak se oferta në treg ka qenë shumë e vogël, ndërsa kërkesa ka qenë shumë e madhe.Zyrtarisht nga Policia nuk ka ndonjë studim konkret për këtë fakt, ose nuk thuhet asgjë.  (J.V/Shuplaka)