Sërish rritje të çmimit të karburantit në vend. Në një shkrim të publikuar nga Reporter.al thuhet se : “Pikat e shitjes së karburanteve do t’i paguajnë pushtetit vendor një tarifë licensimi — 3 milionë lekë për pikat që ushtrojnë veprimtarinë e tyre në Tiranë dhe një milion lekë për bashkitë e tjera.
“Pra ka një rritje të taksimit ndaj tyre që sjell edhe rrijen e çmimit të karburantit nga ana e bizneseve. Sipas Unionit të Shoqërive të Hidrokarbureve Shqiptare, taksa e re e licensimit ndaj pikave të shitjes me pakicë të karburanteve do të rrisë çmimin e karburantiit nga 1 në 10 lekë për litër, në varësi kjo të sasisë së karburantit të shitur nga njësia e taksuar. Në gusht, Bashkia Tiranë vendosi të kërcënojë me bllokim pikat e karburanteve duke kërkuar tarifat e reja të licencimit. Duke mos e marrë mundimin për të fshehur faktin që kjo nuk është një tarifë licencimi por një taksë, nënkryetari i Bashkisë Tiranë Arbjan Mazniku deklaroi se këto të ardhura do të “shpenzohen për çerdhe, kopshte, lulishte, parqe”.”, shkruhet nga Reporter.al.
Theksojmë se aktualisht Shqipëria ka taksat më të larta mbi karburantin në rajon. “Pak ditë më parë, edhe Bashkia e Elbasanit hyri në aksion për të rrëmbyer nga pikat e karburantit të njëjtën tarifë licencimi të cilën Gjykata Kushtetuese e ka shpallur sakaq antikushtetuese.
Në fakt kjo gjykatë e rrëzoi një vendim qeveri të vitit 2015 me arsyetimin se tarifat e tij të larta e bënin atë anitikushtetues. Por qeveria i rishikoi disi tarifat në prill 2017 insiston për futjen në fuqi të ligjit.
Aktualisht Shqipëria ka taksat më të rënda mbi karburantet në rajon, gjë që është reflektuar në çmime gati 30 për qind më të larta të naftës apo benzinës në krahasim me Kosovën apo Maqedoninë.”, thuhet në shkrim. (J.V/Shuplaka)
