“Rruga drejt BE-së” është e gjatë. Mund të bëjë më të mirën”, kështu shprehet organizata “Reporterët pa Kufij” (Reporters Without Borders) për Shqipërinë sa i përket lirisë së shtypit.
“Mund të bëjë më mirë. Kjo në raport me konkluzionin e Komisionit Europian në fund të vitit 2015-ës për ta bërë kandidate për hyrjen në Bashkimin Europian. Është e nevojshme një implementim më i mirë i legjislacionit që garanton lirinë e shprehjes. Shpifja ka qenë e dënueshme me gjoba dhe jo me burg që prej vitit 2012. Pavarësisht lirisë së shtypit të garantuar në ligj që prej vitit 1999 dhe 2014, sërish aksesi dhe marrja e dokumentave zyrtare është e limituar, ndërkohë që autoriteti i mediave audiovizive, AMA është i politizuar”.
Organizata e rendit Shqipërinë në vendin e 76-të, ndryshe nga 2016-ta kur Shqipëria renditej në vendin e 82-të. Shqipëria ka bërë një përparim të lehtë në një kohë rënie të lirisë së mediave në botë.
(XH.A/SHUPLAKA)
