Ka mjaftuar një status i publikuar sot nga ish-kryeministri Sali Berisha në profilin e tij në Facebook për të rindezur një debat të vjetër, emërtimin e rrugës Edi Rama në Surrel.
I njëjti debat po iniciuar nga Berisha është bërë dhe në vitin 2015, ku është dashur dhe një sqarim i Bashkisë së Tiranës që thoshte se nuk ka asnjë emërtim rruge Edi Rama.
Pikëpyetja atëherë dhe sot ngrihet sesi ka mundësi Google maps që të vërë një emër rruge, pa miratimin e institucionit të Bashkisë, që ka dhe një të drejtë të tillë.
Berisha shkruan sot:
Flasin vet!
Lexoni mesazhin dhe shikoni foton si perdhoset me emrin e tij nje rruge ne Surrel!
“Përshëndetje Doktor!
I sëmuri psiqik ka filluar të vendos dhe emra rrugësh me emrin e tij. Konkretisht te “vilajetet” në Surrel. E mësova lajmin në fb dhe hyra në Google map për ta verifikuar, se mos vallë ishte montazh. Dhe rezulton më se i vërtetë. Besoj se ju duhet të jeni i informuar për këtë gjë. Unë gjithsesi po ju dërgoj edhe screeshot-in.
Ju uroj gjithë të mirat!
Respekte!”
Berisha shkruante në 2015:
Mediat njoftojne se Rama i ka vene rruges ku banon ne Surrel emrin e tij. Po ju rikujtoj ketu se sarajet e tij ne Surrel jane simboli me i shemtuar i korrupsionit. Ne vitin 2011 ai deklaroi se kishte si kursime vetem 3 mije euro, nderkohe qe vetem pigmenti i betonit ka kushtuar 76 mije euro dhe ne hipoteke ka deklaruar se token truall te sarajeve e ka blere me 2$ metrin katror ne nje kohe kur aty toka shitej me 50$ metri katror. Tani prisni kur te shpalle rrugen prone personale”
(E.K/FAXWEB.AL)
