Një rruga e cila lidh dy fshatra në Kukës vazhdon të jetë e bllokuar prej 3 javësh për shkak të bores. Sipas banorëve të zonës askush nuk ju ka ardhur në ndihmë. Bëhet fjalë për rrugën që lidh fshatin Bardhoc qendër dhe Bardhoc i Ri. Një qytetar Kuksian raporton se e kanë kërkuar ndihmë tek bashkia, por kanë sjellë vetëm një fadromë të vogël, duke mos e zhbllokuar rrugën, shkruan Jeta Osh Qejf.
“Nga data 5 janar 200 metër mbi rrugën e kombit vazhdon të jetë e bllokuar rruga që lidh 2 fshatra Bardhoc qendër & Bardhoc i Ri, po sikur të sëmuret kush??? Sigurisht që kemi kërkuar ndihmë kanë sjellë e një fadromë të vogël sa për t’u tallur, e cila as 20 metra nuk arriti të hapte sepse ishte shumë e vogël dhe e pafuqishme. Gjithashtu rrugën për në fshat brenda e kemi hapur vetë fshatarët me lopata, Bashkia Kukës njësia administrative Tërthore. Është për të ardhur keq, kalon Rruga e Kombit mes për mes fshatit Bardhoc qendër dhe fshati hap rrugën vetë. Ndërkohë njësia administrative e cila ndodhet vetëm 40 metra mbi Rrugën e Kombit ka hapur rrugën me fadromë deri aty, asnji cm më lart. Faleminderit për mirëkuptimin. Do ju lutesha ta publikonit pasi nuk po dimë kujt t’i drejtohemi”, shkruan qytetari. (J.V/Shuplaka)
[ngg_images source=”galleries” container_ids=”957″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post