Banoret e periferisë së Korçës kanë vendosur të shfrytezojnë zgjedhjet e qershorit në funksion të problemeve komunitare. Më tepër se 100 familje të rrugës “Ajet Xhindoli”, në atë që njihet si zona e Radanecit. Ata kanë protestuar për gjendjen skandaloze të infrastrukturës.
Mungesa e investimeve ndër vite dhe punimet për shtrimin e rrjetit të kanalizimeve i kanë degraduar plotësisht rrugët e kësaj lagjeje të cilat zor se mund të quhen rrugë urbane. Paralajmërimi për të bojkotuar zgjedhjet është e vetmja mundësi që u ka mbetur banorëve të periferisë së Korçës për t’i bërë presion pushtetit që të vërë dorën edhe në këto zona, ku qytetarët paguajnë taksa të kripura dhe nuk marrin asnjë lloj shërbimi nga bashkia.
“Dera e bashkisë së Korçës ka qënë e mbyllur për kërkesat e tyre”, thonë banorët, të cilët ndihen të diskriminuar ne raport me zonat e tjera te qytetit. (J.V/Shuplaka)
Discussion about this post