Moderatorja e emisionit “Dueli sportiv”, Arta Nitaj, është një figurë jo pak e njohur për publikun shqiptar.
Ajo gjithashtu mori pjesë si aktore në serialin “O sa mirë”, në rolin e Xhesikës.
Mirëpo, Arta ka vendosur t’i lërë pas këto eksperienca, pasi që prej ditës së sotme është angazhuar në politikë.
Vetë moderatorja e ndau lajmin me ndjekësit e saj në Instagram, ku publikoi një foto krah Ariana Musliu Shoshit dhe Vivianit Fejzës.
Arta tregoi se tashmë do të jetë pjesë e Partisë Demokratike të Kosovës.
“Nga sot fillova rrugetimin tim të ri në fushën e politikës, në Dekaden e Re të Partisë Demokratike të Kosovës. Frymëzim për mua ishte Ariana Musliu Shoshi, anëtarja me vlerat më të larta njerëzore dhe intelektuale.”- shkruan ajo krahas fotos.
Gjithashtu, moderatorja i ka hequr të gjitha pozat e saj në Instagram, duke lënë vetëm disa prej tyre.
Duket se ky është vërtet një fillim i ri për Artën!
