Ilir Meta është zgjedhur presidenti i ri i Republikës së Shqipërisë, ku ka marrë87 vota pro dhe 2 vota kundër. Me votim të thjeshtë Ilir Meta do të marrë postin që tani mban Bujar Nishani. Seanca është drejtuar nga nënkryetarja Valentina Leskaj dhe të pranishëm ishin 89 deputetë.
Më herët u zbardhën edhe emrat e 23 deputetëve që kanë firmosur për të propozuar Metën për president. Mes tyre ishte edhe Monika Kryemadhi, Mesila Doda dhe Shpëtim Idrizi.
Në përfundim të votimit në Kuvend, Ilir Meta ka marrë fjalën për të folur për herë të parë si President i zgjedhur. Ai ka falënderuar deputetët që e kanë votuar, por nuk ka harruar edhe opozitën duke thekuar se edhe në një farë mënyre e ka nxitur për ta marrë këtë kandidaturë.
“Kur isha student ëndrra më e madhe të isha pedagog, se në vitin 88 ishte shumë vështirë të mendoje që mund të bëheshe deputet, kryeministër dhe aq më tepër të bëheshe president. Nëse do ta arrijmë të bëjmë çdo sakrificë duhet të mbrojmë çdo gjë. Unë do të bëj çdo gjë në të gjitha cilësitë e mia për të justifikuar këtë besim që më dhatë sot, jo vetëm para jush por për të gjithë qytetarët shqiptar, para interesave më të mëdhaja që ka ky vend”,-tha Meta në fjalimin e tij pa letër.
Ilir Meta, në një dalje për mediat ka deklaruar se partia që ai drejton LSI, nuk ka arsye se përse të shqetësohet pas largimit të tij nga drejtimi, për të marrë postin e ri.
“Nuk jam i lumtur për shkak të rrethanave, jam i nderuar që jam zgjedhur president i vendit. Do të bëj përpjekje, absolutisht që midis demokracisë dhe pushtetit ne politikanët duhet t’i japim prioritet demokracisë. Kjo është përpjekja ime për të ndihmuar demkracinë në vend , për të dekuarajuar përshkëllëzimin e një krize të panevojshme”,- u shpreh Meta
I pyetur se pse ai nuk zgjodhi që të shkonte në zgjedhje për tu bërë kryeministër Meta tha se ky nuk është problemi më i madh i vendit dhe se një herë e ka provuar. (M.D/Shuplaka)
