24-vjeçari Bekim Bajraktari, banues në Shkodër, është vënë në prangat e Policisë së Durrësit, pas tentativës së tij për të korruptuar efektivin e Rrugores duke i dhënë shumën e parave prej 1.000 lekësh.
Ai u ndalua më 19 janar 2017 në aksin rrugor Thumanë-Tapizë, pasi drejtonte automjetin me perde në xhamat e pasëm dhe sinjale në pjesën e përparme të mjetit.
Detaje të Policisë së Durrësit:
Specialistët e Seksionit për Korrupsionin në Drejtorinë Vendore të Policisë Durrës arrestuan në flagrancë shtetasin:
• Bekim Bajraktari 24 vjeç, banues në Shkodër.
Arrestimi në flagrancë i tij u bë pasi:
Më datë 19.01.2017, në aksin rrugor Thumanë- Tapizë, është ndaluar nga Punonjësi I Qarkullimit Rrugor pasi drejtonte automjetin me perde në xhamat e pasëm dhe sinjale shtesë në pjesën e përparme të mjetit.
Me qëllim për t’iu shmangur masës administrative konform shkeljes së kryer Bajrakatari, ka tentuar ti ofrojë shumën prej 1 000 lekë punonjësit të policisë.
Materialet i kaluan Prokurorisë së Rrethit Gjyqësor Durrës, për veprime të mëtejshme për veprën penale “Korrupsioni aktiv i personave që ushtrojnë funksione publike”, parashikuar në nenin 244 të Kodit Penal.
(XH.A/SHUPLAKA)
