Ruçi ”merr zemër”: Ashtu si Presidenti që ju thashë që do zgjidhej, edhe zgjedhjet do mbahen në 18 qershor

Kreu i grupit Parlamentar të Partisë Socilaiste Gramoz Ruçi ishte ndër të parët që u shpreh se Presidenti duhej dhe do të zgjidhej brenda afateve Kushtetuese dhe kështu ndodhi.

Ndërkohë që sërish nga Fieri ai ka dhënë një tjetër premtim për simpatizantët socialistë, zgjedhjet do të mbahen në 18 qershor. 
 
“Kam thënë që Presidenti do zgjidhet dhe u zgjodh, ashtu do të jetë edhe për zgjedhjet, ato do të mbahen në 18 qershor”, tha Ruçi.
 
Sa i përket negociatave me opozitën Ruçi tha se Rama e ka bërë ofertën e tij  ndaj shpreson që Basha të pranojë marrëveshjen.
 
“Shpresojmë ende se mund te ketë një marrëveshje. Kryeministri e ka bere ofertën e tij, mbetet që opozita të bëjë zgjedhjen e saj. Edhe duke menduar si një shahist gjendet zgjidhja”, u shpreh Ruçi. (E.K/SHUPLAKA)