Në këto ditë tensionesh politike, kreu i grupit parlamentar të Partisë Socialiste, Gramoz Ruçi, deklaron nga Fieri se datën e zgjedhjeve e përcakton Kushtetuta dhe se nuk ka asnjë emergjencë kombëtare që të ketë shtyrje.
Ruçi i referohet kërkesave të kreut të PD-së Lulzim Basha, që të shtyhet data e zgjedhjeve dhe të krijohet një qeveri teknike.
“Sovrani shqiptar, elektorati shqiptar, populli shqiptar nuk do krizë, e para. E dyta, populli shqiptar nuk do destabilitet. E treta, populli shqiptar do të ushtrojë të drejtën e tij kushtetuese që ja jep Kushtetuta, që data 18 nuk është data e palëve, nuk është datë e subjekteve politike, nuk është datë e pozitës, nuk është datë e opozitës. Secila palë, secili subjekt që paraqet ofertën, atë ditë gjykatës është vetëm populli. Ai vendos se kush do jetë mandej nga palët apo subjektet politike mazhorancë dhe kush do të jetë opozitë. Një herë në katër vjet bëhen zgjedhje, zgjedhjet shtyhen vetëm kur ka situatë të jashtëzakonshme. Në situatë të jashtëzakonshme Shqipëria nuk është. Pastaj paraqiten apo nuk paraqitenofertat nga palët apo subjektet elektorale ajo është e drejtë demokratike e tyre. Por këtu prevalon Kushtetuta, prevalon e drejta që ka sovrani për të ushtruar të drejtën e tij një herë në katër vjet sipas Kushtetutës dhe rregullave të demokracisë.”, tha Ruçi gjatë një aktiviteti për shpërndarjen e legalizimeve në qytetin e Fierit.
Ai shtoi se data e zgjedhjeve është “absolutisht me 18 qershor dhe kjo është e padiskutueshme.” (D.D/Shuplaka)
Discussion about this post