Kreu i grupit Parlamentar të Partisë Socialiste Gramoz Ruçi ka kërkuar që opozita të japë emra në lidhje me deputetët e përfshirë në krime. Sipas tij në rast se nuk thuhen emra këto akuza janë vetëm shpifje të ulëta.
”Jeni katandisur keq, sa mendoni se një rezolutë e Partive tuaja europiane ju ndihmon ju. Shpeshherë kam dëgjuar 19 deputetë të inkriminuar, ore ku janë këta deputetë? Pse nuk i nxirrni, se ne kemi votuar dhe një ligj? Me çfarë morali mund të shpikni. Vazhdoni më tej duke thënë se Rama i heq nga Parlamenti dhe i fut në Parti, kë kush? Thoni emra!
Keni kohë që nxorrët alibinë për votimin elektronik a thua se ju nuk keni qenë ndonjëherë në pushtet. Ne e kemi kërkuar shumë kohë më parë, ndërkohë që ju nuk e bëtë dot për dy vite me rradhë. E gjitha kjo është një alibi e juaja. Kodin e keni bërë vetë si e keni dashur, dhe ne ju kemi dhënë mbështetje. Ju nuk keni as sot asnjë rezervë për to. Kartat e identitetit i keni bërë vetë, Berisha për kartat ka mbajtur këtu fjalime patetike dhe unë si besoja.
Të gjitha këto janë një alibi për të justifikuar humbjen tuaj. Urdhëroni, dakordësohuni dhe me albitrin dhe ne do japim votat tona”, është shprehur Ruçi. (E.K/SHUPLAKA)
