Ruçi-PD-së: Ju s’keni besim tek vetja, atëhere pse duhet të kenë ata?!

Gjatë seancës së sotme plenare, Kryetari i Grupit Parlamentar Socialist Gramoz Ruçi u shpreh se ishte i hapur ndaj votimit elektronik, por u kujton opozitës se propozimi i tyre vjen tani që është shumë vonë për ta bërë këtë.

Më pas ai i drejtohet PD-së duke i thënë që s’ka besim tek vetja sepse ka bërë të njëjtat propozime që mazhoranca e tanishme ka bërë kur ishte në opozitë.

“Do të mirë të bëni një bilanc për sesionin e kaluar dhe për sesionin që sapo filloi. Por, kjo nuk është bërë në një sesion.

Kushtin e opozitës nuk mund ta lë sot pa përgjigje, pavarësisht se për ne të opozitës ju u kujtuat pas katër vjetësh kur ju duhet të ishit kujtuar që katër vjet më parë.

Natyrshëm ku keni qenë këto tre vjetë e gjysëm për këtë cështje kaq madhore siç e quani ju, unë ju kam drejtuar pyetje në parlament dhe ju nuk keni reaguar.

E dini që ndryshimet thelbësore në kodin elektoral duhet të ishte bërë para 6 muajsh, por ju nuk keni qenë të interesuar dhe nuk keni patur forcën politike për ta bërë këtë.

Zgjedhjet kanë një element, këtë kod e keni bërë ju me dakortësinë tonë. Atëhere nuk jeni dakort ju.Pse?

Ky kod është unifikuar në zgjedhje dhe ata që i kanë parë këto zgjedhje kanë thënë që të bëjmë disa propozime sic është politizimi.

Ne ju kemi propozuar dhe ju sërish ju mungonte vullneti. Transparenca e reklamave, të gjitha këto jua kemi propozuar. Të gjitha këto nuk kanë qenë të sakta?

Të vidhnit komisionet, në 50% të tyre keni mazhorancën, keni tre veta. Në të gjitha kopsisionet keni tre veta. Atëhere ju s’keni besim tek ju? Atëhere pse ata duhet të kenë besim tek ju dhe jo tek ne?

Kishim mazhorancën ne dhe lamë pothuajse të njëjtin komision siç e kishit propozuar ju, por kryetarin e komisionit të zgjedhjeve e keni heq ju.

E zgjodhët edhe kolegjin zgjedhor siç e deshët. Tani çfarë po themi ne për KQZ-në? U kujtuat tre muaj para zgjedhjeve për votimin elektronik por është tepër vonë, sepse KQZ nuk mund të bëjë asnjë ndryshim 6 muaj përpara zgjedhjeve.

E ka pasur Hollanda dhe e ka hequr. E ka pasur Gjermania dhe me vendim të Gjykatës Kushtetuese e ka hequr. E ka patur Franca por e ka hequr, e ka Zvicra jo në zonat rurale. E ka Amerika në gjysmat e vendeve dhe në të tjera nuk e ka.

Kryetarin e parlamentit e keni këtu. Ata janë arbitrat, nëqoftëse ata japin dakortësinë dhe japin gjithë përgjegjësinë, atëhere edhe ne si mazhorancë jemi dakort.”, tha Ruçi.(D.D/Shuplaka)