Deputetja Rudina Hajdari tha sot nga foltorja e Kuvendit se ndaj saj kishin mbërritur disa kërcënime, ndërsa la të kuptohej se ato kishin ardhur nga vetë kolegët e saj. Duke ditur përplasjet mes saj dhe Korab Litës, padyshim që ky i fundit është dhe i dyshuari kryesor, për të cilën Hajdari akuzon.
Në një komunikim që ka pasur me mediat jashtë Kuvendit, Lita është shprehur se ai nuk ka asnjë informacion mbi kërcënimin që i është bërë Hajdarit.
“Nuk mbaj përgjegjësi për kërcënimet ndaj Hajdarit. Nuk e kam kërcënuar aspak Hajdarin, jemi kolegë. Nuk kam pasur informacion që Hajdari është kërcënuar. Jam deputet si Hajdari, nuk mbaj përgjegjësi për sigurinë. Njësoj si Hajdari mund të jem kërcënuar edhe unë”, u shpreh Lita për mediat.
Pjesë nga pyetje-përgjigjet e Litës:
A ka patur një kërcënim tuajin apo të kolegëve tuaj për zonjën Hajdari sic ajo pretendon se është kërcënuar me jetë?
Une jam koleg me zonjen Hajdari jam deputet si zonja Hajdari dhe nuk pergjigjem per sigurine ne Kuvend, pergjigjen strukturat e sigurise.
Keni pasur debate?
Jo, unë jam koleg me të.
A keni shkuar në zyrë?
Unë dhe zonja Hajdari jemi kolegë e shkojmë e takohemi në zyrë perditë.
Kur jeni takuar me te?
Diten e mbledhjes, para dy ditësh.
Keni debatuar?
Jo
Ajo pretendon se zoti Lita me gangsterët e tij shprehet ne nje status kanë kërcënuar edhe deputeten Fatbardha Dhimitri.
Në gjaknxehtësi e sipër thuhen keto gjera, por ska problem, ne jemi kolegë e s’ka asgjë.
Keni informacion se zonja Hajdari eshte kercenuar?
Jo, une nëse ka terren për kërcënim jam njësoj si zonja Hajdari mund të jem i kërcënuar edhe unë.
Por ju nuk keni qene?
Jo.
Çfarë tha Rudina Hajdari në Kuvend për kërcënimin:
Para pak ditësh u dërgova një shkresë për një kërkesë që të siguroni ambientet e Kuvendit dhe të Kryesisë. Nuk mund të ndodhë sot, që në 2019 që deputetët të kërcënohen. E papranueshme që një femër të kërcënohet. Kam pasur raste që në zyrën time kur persona më kanë ardhur në zyrë dhe më kanë kërcënuar.
Nuk mundet të ndodhë më, ka ikur ajo kohë. Ju lutem, merrni masat para se të kemi ndonjë viktimë këtu në parlament. Sikur janë masat para Kuvendit, masat të jenë në kryesinë e kuvendit, asnjë deputet nuk duhet të hyjë pa u kontrolluar, nuk duhet të marrë përforcime me njerëz të tjerë dhe të shantazhojë. Ju lutëm të merren masat sa më shpejt të jetë e mundur.
(E.K/Faxweb.al)
Discussion about this post