Deputetja e Partisë Demokratike Rudina Hajdari e ka nisur fjalën e saj në Kuvend me kërkesën për të mbajtur një minutë heshtje për viktimat e masakrës së 2 Prillit në Shkodër.
Kërkesa e Hajdarit iu drejtua kryeparlamentarit Ruçi, i cili akuzohet nga 4 familjet e dëshmorëve të demokracisë si urdhërues i vrasjes së djemve të tyre. (Lexo ketu)
Rudina Hajdari: Të mbajmë një minutë heshtje për katër të rënët e 2 prillit
Gramoz Ruçi: I ftoj deputetët të çohen, u prehshin në paqe
Kujtojmë se katër viktima e dhjetëra të plagosur ishin pasojat e plumbave ndaj forcave policore drejt turmës që protestonte në 2 Prill të vitit 1991. Bujar Bishanaku, Arben Broci, Nazmi Kryeziu dhe Besnik Ceka ishin të vrarët e asaj dite, sot të shpallur martirë të demokracisë.
Ditën e djeshme në nder të viktimave u përkujtua përmes një ceremonie në qytetin e Shkodrës kontributi i tyre për sjelljen e demokracisë në vend, ku ishte i pranishëm dhe kreu i PD-së Lulzim Basha.
(E.K/FAXWEB.AL)
