Rudina Hajdari krijon partinë e re, plas debati me deputetët e rinj (Zbulohet arsyeja)

Rudina Hajdari u zyrtarizua të enjten si kryetare e grupit të ri parlamentar të PD-së, por mesa duket tashmë është krijuar rruga partinë e re.

Mësohet se partia e Rudinës do të quhet “Bindja Demokratike”, pjesë e së cilës do të jetë edhe ish-deputeti demokrat, Astrit Patozi, si dhe të larguar të tjerë nga demokratët.

Në fakt gjithçka pritet të zyrtarizohet shumë shpejt, ndërsa me këtë emër, vajza e Azem Hajdarit, dëshiron të përforcojë bindjet demokratike të të atit. Regjistrimi i partisë do të bëhet në Gjykatën e Tiranës dhe më pas në KQZ.

Astrit Patozi më herët përshëndeti krijimin e grupit të ri parlamentar, duke i uruar “këmbë të mbarë”, çka la të nënkuptonte krijimin e një partie, ku dhe ai do të ishte pjesë.

Në mbledhjen që ka zhvilluar sot Hajdari me deputetët e tjerë, mësohet se ka pasur debate, pasi një pjesë e tyre thonë se nuk janë gati për fushatën në zgjedhjet lokale të 30 Qershorit.

Megjithatë Hajdari ka këmbëngulur se në zgjedhje duhet të garojnë, pasi sipas saj demokratët ndihen të papërfaqësuar.

(E.K/FAXWEB.AL)