“Zgjedhorja”, Rudina Hajdari: Bëra kërkesë ndaj ekspertëve të ODIHR-it. Çfarë pritet të ndodhë nesër

Mbledhja e Këshillit Politik për Reformën Zgjedhore që zgjati për 4 orë ka përfunduar dhe palët nuk kanë një dakordësi sa i përket votimit biometrik. Përfaqësuesja e opozitës parlamentare, Rudina Hajdari ka folur për mediat pas përfundimit të mbledhjes duke thënë se nesër do të mbahet një tjetër mbledhje sa i përket sistemit danez.

“T’ju them të drejtën nuk pati diçka konkrete. Bëra një kërkesë ndaj ekspertëve të ODIHRIT për pasqyrim të sistemit danez dhe pati një dakordësi për këtë gjë. Jemi të kënaqur që sistemi danez do të trajtohet nesër. Hapja e listave duhet të jetë çështja kryesore e reformës dhe do të mbetem besnike e qytetarit që ka nevojë të prezantohet në mënyrë të denjë dhe ishte një hap i mirë të propozimit që ka bërë ambasada amerikane për sistemin danez”, tha Hajdari.

Mbledhja e radhës do të jetë nesër në orën 11:00.(A.M/Faxweb.al)