Rudina Hajdari zbulon datën e zgjedhjeve, tregon arsyet e 3 liderëve kryesorë për krizën

Deputetja Rudina Hajdari tha gjatë fjalës që mbajti në Kuvend se vendimi i Presidentit për ç’dekretimin e datës së zgjedhjeve është jashtë kuadrit ligjor duke argumentuar se zgjidhja e këtij ngërçi politik vjen vetëm përmes Gykatës Kushtetuese.

Duke argumentuar mungesën e kësaj gjykate, Hajdari tha ndër të tjera vendimi I Presidnetit është në konflikt interesi pasi bashkëshortja e tij është bashkë-kryetare e opozitës.

Lidhur me procedurën e shkarkimit të Metës, Hajdari tha se kjo kërkon kohë dhe është një process kompleks pasi duhet të kalojë përmes disa hallkave kushtetuese dhe ligjore duke e konsideruar si nje menyre shantazhi ndaj tij.

“Gjykimi mbi vendimin e Presidentit të Republikës e merr vetëm Kushtetuta dhe ne duhet të jemi shumë të saktë me opinionin publik. Shkarkimi i Presidentit eshte shantazh. Ai bëhet me propozim të 35 deputetëve, pastaj kërkesa dërgohet në Komisionin Hetimor i cili ka për detyrë të dëgjojë Presidentin dhe më pas ky komision ka për detyrë të përpilojë argumentet dhe t’a dërgojë Gjykatës Kushtetuese. Por ky është fati i keq i shqiptarëve i cili na merr zvarrë të gjithëve. Është arsyeja ime që më bën të mendoj dhe ngre pikëpyetjet se pse ky president ka marrë një veprim të tillë.

Çfare do te ndodh nëse palët nuk ulen bashkë dhe nuk arrijnë një kompromis për një datë tjetër a nuk e fusin vendin më shumë në krizë dhe pasiguri. Çfarë do të ndodh nëse ne kemi një opozitë që nuk futet në zgjedhje me një kusht që të largohet kryeministri, çfarë dialogu mund të arrihet, unë nuk shoh një marrëveshje të mundshme. Unë pyes Presidnetin nëse gruaja e tij është bërë pjesë e këtij precedenti si bashkë-kryetare  e opozitës a nuk është ky një konflikt i drejtëpërdrejtë interesi. Doni të forconi pozitën e LSI, doni të keni më shumë pushtet në këtë vend, doni të fitoni më shumë kredenciale. Ndërkohë mazhoranca, ju dhe opozita jeni bërë palë me njëri-tjetrin që të ruani dhe forconi pushtetin”,  tha Hajdari.

Ndërkohë gjatë fjalës së saj, pavarësisht se nuk dha asnjë argument të qartë, Hajdari lëshoi një deklaratë kontradiktore sa ju përket qëndrimeve të palëve politike në vend, pasi artikuloi se zgjedhjet do të zhvillohen muajin e ardhshëm, pra në Korrik, dhe adresoi edhe pyetje ndaj opozitës duke thënë se a ia vlejti braktisja e parlamentit dhe institucioneve për dy vite me radhë.

(F.GJ/FAXWENB.AL)