Njëri nga drejtuesit e partisë LDK në Kosovë, Haki Rugova është shprehur se do të jetë Lidhja Demokratike e Kosovës që do të vendosë sot se kush do të jetë kandidati për kryeministër. Në një prononcim për gazetën “Blic”, ai theksoi se ende nuk ka asgjë konkrete se kush do të jetë kandidati për kryeministër nga LDK.
“Nuk kam çka të them. Sot, gjatë ditës do ta merrni vesh”, tha ai shkurt, duke mos dhënë ndonjë detaj shtesë. Ajo që ka më shumë gjasa është se nënkryetari i LDK-së, Lutfi Haziri do të jetë kandidati i kësaj partie për kryeministër, pas tërheqjes së Isa Mustafës.
Megjithatë, vetë ai ka thënë se ende nuk është vendosur për këtë çështje. Ndërkohë, në media flitet për disa emra të mundshëm si Lumir Abdixhiku dhe ministri në detyrë i Financave, si dhe njeriu më i afërt i Isa Mustafës, Avdullah Hoti.
(S.SH/SHUPLAKA)
