Sot është përcjellë për në banesën e fundit, vajza 10-vjeçare e familjes Preka, Noemi.
Noemi ishte në koma prej disa ditësh dhe ditën e djeshme ka ndërruar jetë.
Fax News raporton se, në meshën e fundit të mbajtur për Noemin, famullitari Dom Marjani u është drejtuar shokëve të klasës së Noemit.
“U thoni prindërve të ulin shpejtësinë, bëni kujdes nga makinat e të pasurve.
Ato na shtypin, ne ju dukena si miza e na shtypin. Si nuk u hoq një patentë për drejtim të gabuar. Nuk asht vetëm Tirana, na jena njerëz të nivelit të dytë. Jetët që përcollëm këto ditë na bëjnë me reflektu,”- shprehet Imzot Dom Marjani.
Me tej Imzot Marjani i është drejtuar të vetmes së mbijetuar nga aksidenti tragjik, Ervisa Prekës.
“Ervisa, jena tu t’rrejt, askush prej nesh nuk merr guximin të thotë të vërtetën. Fjala e fundit I takon Jezu Krishtit.
Ervisa, fëmijët e tuj dhe burri janë me ne, mos u mbyt në lotët e dëshpërimit.”
Aksidenti ndohi vetëm disa ditë më parë ku parakalimi i gabuar rezultoi fatal për jetën e katër personave të familjes Preka.
Edmond Preka udhëtonte së bashku me gruan e tij, Ervisa, dhe tre fëmijët.
Bebja 6-muajshe, 2 vajzat 5 dhe 10-vjeçe dhe kryefamiljari Edmondi ndërruan jetë.
(F.M/Faxweb)
