Rushel, i mbijetuari i Çapekoenses fillon të ecë (VIDEO)

Alan Rushel, i mbijetuari i tragjedisë së aeroplanit të rrëzuar në Kolumbi ka hedhur hapat e parë në spital.

27-vjeçari i shpëtoi tragjedisë ndërsa 19 prej shokët e tij të ekipit humbën jetën, ku në total ishin 71 pasagjerë.

Mbrojtësi i Çapekoenses po vazhdon të trajtohet në një klinikë në Rionegras për frakturat e pësuara, por sipas mjekëve ai deri tani është përmirësuar.
Në videon e mëposhtme ju mund të shikoni lojtarin teksa ecën me ndihmën e një ortopedi dhe falendëron të gjithë që u merakosën për shëndetin e tij.

“Falënderime për të gjithë ata që u merakosën për shëndetin tim. Dua t’ju them se po e marr veten dhe së shpejti do të kthehem në Brazil për të vijuar shërimin. Shumë falënderime të gjithëve për mbështetjen dhe mesazhet e ngrohta që më keni dërguar”, shprehet 27-vjeçari në para kamerës.