Rusia ka bllokuar 640 kilogramë sherbelë, me argumentin se ky produkt ndalohet përkohësisht të importohet nga Federata Ruse.
Ky lajmi është botuar një ditë më parë në median ruse “nevnov.ru “ por edhe portale të tjera.
“Në portin detar të kufirit verior të kryeqytetit rus, nga Gjermania mbërriti një parti prodhimi nën karantinë të rrezikut të lartë fitosanitar me sherbelë të tharë mjekësore, me origjinë nga Shqipëria.”, shkruhet në artikull.
Agjencia federale ruse e Kontrollit Veterinar dhe Fitosanitar (Rosselkhoznadzor) për Shën Peterburgun dhe rajonin leningradas, mori vendimin të ndalonte hyrjen e 640 kilogramëve me sherbelë, meqenëse ky produkt ndalohet përkohësisht të importohet nga Federata Ruse.
I çuditshëm është fakti se si dogana, ashtu dhe karantina fitosanitare shqiptare e kanë lejuar eksportin e kësaj sasie të madhe sherbele në drejtim të Rusisë, kur dihet që Moska nuk e lejon importimin e bimëve mjekësore dhe eterovajore nga vendi ynë.
Mediat ruse raportojnë se vendimi për mosimportimin e bimëve mjekësore nga Shqipëria, është marrë që më 8 dhjetor të vitit 2014.
Por, Ministria Shqiptare e Bujqësisë nuk ka reaguar akoma lidhur me këtë skandal.
Discussion about this post