Rusia e “etur” për gjak e viktima, kryen të tjera sulme ajrore mbi kryeqytetin ukrainas

Shpërthime të fuqishme janë dëgjuar pak më parë në Kiev, duke e goditur rëndë kështu infrastrukturën civile dhe atë energjetike.

Qytetarët ukrainas thonë se kanë dëgjuar shpërthime, të cilat kanë qenë të mirëfillta.

Në anën tjetër kryetari i Kievit, Vitali Klitschko, ka shkruar në Telegram se është goditur infrastruktura energjetike por edhe ajo civile.

Ai i bëri thirrje banorëve të qëndrojnë nëpër strehimore, derisa alarmi që paralajmëron sulmet ajrore akoma është i ndezur.

Kujtojmë që javëve të fundit ushtria ruse po godet vazhdimisht infrastrukturën energjetike të Ukrainës, duke bërë që miliona banorë të mbesin pa energji elektrike.

Madje me ardhjen e temperaturave të ulëta, dimri në Ukrainë po konsiderohet si i papërballueshëm për shkak të mungesës së ngrohjes, ujit dhe energjisë elektrike.