Rusia dhe Serbia vazhdojnë të reklamojnë marrëdhëniet e mira mes tyre. Së fundmi, ushtria ruse i ka dhuruar asaj serbe 6 avionë luftarak të llojit MiG-29. Vlera e tyre arrin vlerën e 600 milionë eurove, raporton gazeta serbe “Danas”.
Por këto nuk janë dhuratat e vetme që Rusia i bën aleatit të saj në Ballkan, Serbisë.
“Kjo është e pamatshme në krahasim me atë që kemi pasur. Morëm dhuratë 30 tanke T72, 30 automjete lufte të blinduara BRDM 2 dhe topa të vegjël”, ka thënë kryeministri serb Aleksandar Vuçiç, që më pas në formë shakaje është shprehur se, Ministria e Mbrojtjes së Serbisë kishte kërkuar të gjitha llojet e raketave, “por vetëm armë nukleare nuk ka kërkuar”.
Sipas Vuçiç, marrëdhëniet Serbi-Rusi vazhdojnë të jenë shumë të mira. (A.R/SHUPLAKA)
