Rusia: Jemi të lodhur nga kjo “gjueti shtrigash” e SHBA-së

Sipas Kremlinit, fushata e akuzave të SHBA-së ndaj Rusisë për sulmet kibernetike gjatë zgjedhjeve presidenciale është një “gjueti shtrigash”.

Zëdhënësi i Kremlinit Dimitri Peskov, ka deklaruar se Moska është e lodhur nga këto akuza.

Sipas Peskov, raporti i publikuar nga CIA provoi se akuzat janë të pabaza.

 “Akuzat e pabazuara të cilat nuk janë të mbështetura në asgjë, po lexohen në mënyrë amatoreske dhe joporofesionale. Ne nuk e dimë se në çfarë informacionesh po mbështeten ata në të vërtetë. Pretendimet arritën deri në atë nivel sa mund te quhen gjueti shtrigash.”, u shpreh Peskov.

Sipas raportit të CIA-s, presidenti rus Vladimir Putin ka urdhëruar hakerimin e  e-mailve  të Partisë Demokratike për të dëmtuar rivalen demokrate të  Trump, Hillary Clinton.

Sqarojmë këtu se ky është reagimi i parë i Kremlinit që kur raporti iu dorëzua të premten presidentit të zgjedhur, Donald Trump. (D.D/Shuplaka)