Komandanti i forcave ajrore ukrainase tha sot se sistemet e mbrojtjes së tyre shkatërruan shtatë raketa të lëshuara nga Rusia dhe 32 dronë gjatë natës.
Në aplikacionin e mesazheve Telegram, zyrtari i forcave ajrore tha se Rusia kishte lëshuar gjithsej 51 raketa dhe drone. Komandanti tha se forcat ruse sulmuan objektet ushtarake dhe infrastrukturën në Ukrainë, por nuk dha detaje shtesë.
Kryetari i bashkisë së Kharkiv-it të Ukrainës lindore, Ihor Terekhov, tha në një deklaratë të veçantë se infrastruktura në qytet u bombardua mbrëmë dhe katër persona u plagosën. Autoritetet e tjera civile dhe ushtarake nuk raportuan viktima.
