Vrasja e shqiptarit në Korfuz nga një shtetas grek i cili thuhet se është pjesë e ekstremistëve të Agimit të Artë, ka shjellë një sërë reagimesh.
Në vazhdën e tyre është edhe ai i deputetes së SYRIZA në Korfuz Fotini Vaki, e cila shprehet kundër të vrasjeve për shkak të nacionalizmit, grek ndërsa ka mbajtur qëndrim të fortë.
Me fjalë mjaft prekëse, deputetja greke shprehet:
“Sa imigrantë të tjerë do të vajtojmë si viktima të racizmit që fillon nga “pastërtia e racës greke”?
Sa ‘tregti e patriotizmit’ nevojitet ende, që pasardhësit ideologjike të kryqit nazist (Svastik) që dërmoi vendin, të armatosin një dorë për të vrarë një viktimë të pafajshme?
Për sa slogane si ‘demokracia tradhtoi Maqedoninë’, për sa helm nacionalist për studentët, për sa përdhosje të monumenteve dhe vendeve të kujtesës, për sa klithma të paqarta, për sa linçime të turmave të irrituara, kemi nevojë për të thyer vezën e gjarpërit?
Sa përdhosje të historisë rreth një thike në zemër të të ‘huajit’, të ‘shqiptarit’, të ‘jevgut-shkupianit’ dhe të ‘kundërshtuesve’?
Tani ishte radha e Petrit Zifle, “z. Petros”, punëtor shqiptar i tokës. Në Korfuz, ku idetë e iluminizmit, demokracisë dhe të majtës gjenin gjithmonë hapësirë pjellore, nuk ka vend për fashizmin”.
Me të njëjtën forcë e dënon edhe partia e saj SYRIZA vrasjen e shqiptarit, ndërsa kërkon luftë të vazhdueshme e të fortë kundër racizmit.
“Vrasja brutale në Lefkimmi të Korfuzit të punëtorit 63 vjeçarit Petrit Zifle ishte një krim racist nga një anëtar i Agimit të Artë, rast për të cilin duhet të jepet menjëherë drejtësi.
Konfirmohet në mënyrën më tragjike, edhe një herë, se organizata kriminale mbjell urrejtje, duke armatosur dorën e njerëzve kundër njerëzve.
Ky rast na kujton, megjithatë, përgjegjësinë e të gjithëve ne për të forcuar luftën kundër racizmit dhe nacionalizmit dhe atyre që kultivojnë intolerancën në shoqërinë greke.
Dhe sigurisht dënimi i urrejtjes raciste dhe nacionaliste nuk duhet të bëhet me gjysmë fjalë dhe pas ngjarjeve, por të shoqërohet me luftë të vazhdueshme dhe të përditshme kundër manifestimeve të saj”, – shkruhet në njoftimin e fundit të SYRIZA.
Kujtojmë se 63-vjeçari shqiptar Petrit Zilfe, u vra në Dragotina, Korfuz, më 25 nëntor, ndërsa mediet greke raportuan se vrasja e tij kishte ardhur pas një konflikti të karakterit etnik. Autor për këtë është një 44-vjeçar, që rezulton të jetë pjesë e “Agimit të Artë”.
Thuhet se, vrasësi kishte hapur debat për jogrekët dhe për çështjen e Maqedonisë në lokal dhe aty kishte ndërhyrë dhe Zifle. Të pranishmit e tjerë në lokal i ndajnë dhe vrasësi largohet duke kërcënuar Ziflen, të cilit në Greqi i thërrisnin Petro. Më pas vrasësi i bën pritë dhe vret shqiptarin, të cilin e hedh në një hendek, ku u gjet të mërkurën.
(B.B/ Faxweb.al)
Discussion about this post