Jozefina Topalli dhe Arben Imami kërkuan sot shkarkimin e kreut të PD-së, Lulzim Basha pasi sipas tyre nuk u zbatua statuti i PD-së për miratimin e listave të kandidatëve për deputetë. Gjatë fjalës së tyre ata theksuan se Lulzim Basha po mendon vetëm për interesat e tij familjare dhe jo për partinë.
Por duhet të theksojmë që nëse dy deputetët, ende me mandat deri në shtator, do ta nisin këtë procedurë ligjërisht, do t’i duhet një rrugë e gjatë. Po kështu edhe zgjedhjet janë shumë afër, më 25 qershor.
Neni 35, pika 4 në statutin e Partisë Demokratike, ku flitet për kompetencat e Kuvendit Kombëtar parashikohet se “vendos për shkarkimin e Kryetarit të Partisë mbi bazën e një mocioni mosbesimi të miratuar nga më shumë se gjysma e anëtarëve të Këshillit Kombëtar”.
Këshilli Kombëtar nga ana e tij ka 270 anëtarë dhe do të duhet firma e gjysmës prej tyre, pra 136 anëtarë, për të hartuar mocionin, dhe pak këtij votimi do të kërkohet shkarkimi i Lulzim Bashës. (J.V/Shuplaka)
Discussion about this post