Partia Socialiste ka nisur punën për zgjedhjet e ardhshme vendore që do të bëhen në 2023. Në një takim me kryetarët e bashkive Rama renditi bashkitë si shembullore, të mira dhe problematike dhe kërkoi të merren masa për përmirësimin e cilësisë së jetës së qytetarëve.
Pas fjalës së kryeministrit secili prej kryetarëve të bashkive filluan të bënin prezantimin e punës së tyre.
Kur po prezantonte punën kryetari i bashkisë së Beratit, Ervin Demo Rama e ndërpreu dhe i tha: “E ke të bukur këtë sa herë që je para kamerave më kërkon fonde. Nuk thua çfarë ke marrë por çfarë s’ke marrë”
Ervin Demo: Patjetër që rindërtimi i gjimnazit Babdud Karbunara” është tashmë një objektiv disavjecar.
Duhet të përmend këtu që Bashkia Berat nuk ka marrë asnjë investim në 6 vitet e fundit, në infrastrukturën arsimore nga qeveria qendrore. Besoj që edhe gjimnazi Babduda edhe për atë çfarë përfaqson dhe për sinjalin që jep për qytetin është shumë i rëndësishëm.
Rehabilitimi i rrugëve rurale, aksi Velabisht – Veterik dhe rruga e Karkanjozit, duke iu referuar dhe suksesit parazgjedhor që ne patëm me rrugën që bëmë në Drobonik, janë dy akset që nuk kanë ndonjë peshë të jashtëzakonshme buxhetore. Me programin e FSHZH-së janë lehtësisht të realizueshme. Është një total prej 20 km ku ne përfshijmë edhe fshatin Mjeshovës me Mallakastrën.”
Megjithatë pas përgjigjes së Ramës, kryetari i Bashkisë nuk pati një përgjigje për të veç një buzëqeshjeje.
Discussion about this post