Policia e Shtetit në një takim me kryeministrin Edi Rama ka bërë publike shifrat përsa i përket kultivimit të lëndëve narkotike dhe personave të arrestuar si autorë të dyshuar.
Duke iu referuar shifrave sipas Policisë së Shtetit evidentimi i rasteve me kanabis është ulur 4.4 herë raste më pak se viti 2016.
Në rang republike janë evidentuar 987 raste dhe 155 prej tyre janë gjetur të kultivura në tokë private ndërsa pjesa tjetër në toka publike. Po kështu qarku më problematik mbetet Shkodra në rang kombëtar, me 22% të kultivimit të kanabisit. Deri më tani sipas policisë janë goditur 55 grupe kriminale, krahasuar me 2016, janë goditur 31 raste më shumë.
Zëvëndësministrja Rovena Voda ka deklaruar se Shqipëria nuk është më vend origjine për lëndët narkotike, duke iu referuar shifrave të vitit 2016.
“Në fund të një verë të gjatë, të nxehtë, të lodhshme për qindra e mijëra punonjës policie në terren, por edhe dhjetëra forca e institucioneve ligjzbatuese, partnerët përfshirë, e them jo pa krenari, se kemi rezultate të pakrahasueshme dhe sot Shqipëria nuk është më vend origjine për lëndët narkotike.”, u shpreh Voda.
SHIFRAT E PUBLIKUARA:
7439 bimë u gjetën të mbira në mënyrë natyrale. Rreth 5200 janë gjetur në process tharje. Janë proceduar penalisht 94 persona. 13 prej tyre janë të arrestuar dhe 37 janë ende në kërkim. 987 raste janë evidentuar në të gjithë vendin. Kultivimi 4,4 herë më pak se në vitin 2016.
155 kultivime kanabisi ishin në tokë private, pjesa tjetër në tokë publike. Konstatohet se grupet kriminale po përdorin toka publike larg vende të banura për të kultivuar kanabis. Vlora me 14% të kultivimit,Durrës 19% , Lezha me 10%, Fieri me 7% dhe Shkodra me 22%. Deri më tani janë oraganizuar 289 kontrolle policore. Janë sekuestruar 2 ton marjiuanë.
Janë goditur 55 grupe kriminale, krahasuar me 2016 janë goditur 31 raste më shumë. Po ashtu janë më shumë se 140 operacione që janë nën vëzhgim. Janë zhvilluar 25 operacione me bashkëpunim ndërkombëtar. (J.V/Shuplaka)
Discussion about this post