Deputeti Milaim Zeka ishte një nga protagonistët e emisionit “The One Show” ditën e sotme në Fax News, ku ndryshe nga herët e tjera, gjë të cilën ai e konsideroi si më të bukurën që i është bërë ndonjëherë, u intervistua nga disa fëmijë.
Një nga pyetjet që iu bënë ishte edhe për jetën e tij familjare, duke qenë se është prind, ai u pyet nëse kalon kohë me fëmijët e tij.
Përgjigja e deputetit nga Kosova ishte surprizuese, pasi tha se që nga viti 1990 kur është bërë babai i një vajze për herë të parë, dhe deri më sot, i lan vetë fëmijët e tij, i ushqen, madje iu ndërron edhe pelenat.
Pjesë nga intervista e Milaim Zekës për fëmijët e “The One Show”:
Pyetje: Sa i mbani premtimet që jepni para zgjedhjeve?
Zeka: Edhe kur kam qenë fëmijë nuk i kam gënjyer as mamin as babin. Për shembull t’ju them që po shkoj tek tezja e me shku me ba një punë tjetër. Premtimet i mbaj sepse kam hyrë në politikë vetëm për hatrin tuaj dhe për hatrin e pleqve
Pyetje: Sa vjedhin politikanët? Nëse ju do të fitoni zgjedhjet, a do të vidhni si ata?
Zeka: E para unë jam politikan prej dy vjetësh dhe e kam provuar gjatë kësaj kohë që nuk kam vjedhur. Politikanët tanë nuk e dinë aq shum që vjedhin se as vetë e dinë.
Pyetje: Çfarë mendimi keni për politikanët shqiptarë të maqedonisë?
Zeka: Mendoj se të gjithë politikanët shqiptarë, kudo, janë një çorbë e keqe dhe shumë neveritëse për fëmijët shqiptarë.
Pyetje: Ju keni fëmijë në shtëpi, a keni kohë të qëndroni me ta?
Zeka: Prej 1990 që më ka lindur vajza e deri sot që flasim, unë i laj, i ushqej u ndërroj pelenat, edhe sot vajza 3-vjeçare më hipën në kurriz dhe më thotë ti je kali im. Kështu që është kënaqësia më e madhe të bëhem kali i fëmijëve të mij.
Pyetje: Sa gënjejnë deputetët?
Zeka: Nuk e di sa gënjejnë por gënjejnë….
Pyetje: Çfarë do mendoni për fëmijët e Kosovës nëse fiton partia juaj, do të na përkrahni apo jo?
Zeka: Çdo lagje do të ndërtohet një çerdhe. Fëmijët e kosovës kanë për të pasur një edukatore për çdo 7 fëmijë….
https://www.facebook.com/faxweb.al/videos/2280971108696060/
(F.GJ/FAXWEB.AL)
