Sa mbyll takimin me gazetarët Basha, status me urgjencë Rama: Hajde politikë hajde

Sa mbyll takimin me gazetarët kreu i PD-së Lulzim Basha, status me urgjencë kryeministri Rama ku mes të tjerave shkruan: ajde politikë hajde. 

“A ka budalla që e beson se SHBA/BE duan prokuror të përkohshëm për të mbyllur dosje hetimore duke shkelur Kushtetutën!Hajde politikë hajde”, shkruan Rama.

Basha me gazetarët tha se Rama nuk mund ta zgjedhë i vetëm kryeprokurorin. Sipas tij zgjedhja duhet të bëhet vetëm sipas Kushtetutës, duke shmangur çdo pazar politik.

Çdo bëni në rast se zgjidhet në mënyrë të njëanshme kryeprokurori, dhe si i komentoni deklaratat e Lu-së?

Dua të theksoj se një mandat i siguruar jashtë asaj që parashikon kushtetuta është nul. Ne do të ndërmarrim çdo hap ligjor, do të informojmë ndërkombëatarët dhe do të protestojmë. Ne nuk mund të lejojmë Ramën që të kërkojë që të kap edhe kryeprokurorin në mënyrë që të mbyllen dosjet.

Po krijohen institucione antikushtetuese dhe kjo është shumë serioze. Nuk kam komentuar dhe as nuk do komentoj ambsadorët e huaj, as nuk dua ta mendoj personalisht që përfaqësues të trupit diplomatikë të kërkojnë që të shkelet Kushtetuta.

Vendi nuk ka një prokurorë, a duhet të qëndrojë Adriatik Llalla në detyrë?

Sa kohë që një kryeprokurë i ri nuk është zgjedhur, vendin do ta mbajë ekzistuesi. Ne kërkojmë krijimin sa më të shpëjtë të Këshillit të Lartë të Drejtësisë. Mua më dërgohet një ftesë për të shkelur Kushtetutën. Kjo ftesë do ketë një ‘’joo” të madhe nga ana ime ashtu siç e ka pasur derimë tani.

Ka pasur komunikimim mes mazhorancës dhe opozitës gjatë kohës kur kryeministri Rama ka bërë thirrje për dialog?

Ne nuk e kemi përjashtuar në asnjë mënyrë ftesën për dialog, po kjo duhet të bëhet vetëm përmes Kushtetutës. Nuk ka asnjë institucion të huaj që të mund të na detyrojë ne që shkelim Kushtetutën. Për mua është e paimagjinueshme që të na kërkohet shkelja e Kushtetutës.

(E.K/FAXWEB)