“Sa para harxhon, apo i bie qylit kur je i famshëm?”, Baton Haxhiu: Lekët janë problem në moshën time

Gazetari i njohur Baton Haxhiu ishte i ftuar këtë të hënë në emisionin shumë të dashur nga publiku, “Në kurthin e Piter Panit”. Ai u vendos përballë fëmijëve, të cilit i drejtuan pyetje nga më të ndryshmet.

Një ndër pyetjet ishte: “Sa lekë harxhon? Apo i bie qylit kur i famshëm?”. Haxhiu u shpreh se në moshën e tij paratë nuk shihen si lumturi dhe se nuk ka më mirë se sa të jesh fëmijë, larg halleve e problemeve.

“Nuk ka asnjë njeri më të pasur se sa ty në këtë moment. Nuk e ke asnjë hall që të lëndon dhe të gjithë të bëjnë të lumtur për faktin se je fëmijë. Kur të vish në moshën time, lekët janë problem dhe nuk të bëjnë të lumtur”, u përgjigj ai.