Deputeti i Partisë Demokratike Halil Jakimi u betua sot në kuvend duke pranuar mandatin e deputetit. Në një status në rrjetin e tij social Facebook , ai shprehet se e pranoi mandatin e deputetit për të përfaqësuar qytetarët që e besuan dhe votuan. Jakimi shprehet se do të angazhohet për të përmbushur qëllimet e qytetarëve si dhe për të eleminuar problematikat që përballet qarku i Dibrës.
Më tej deputeti Jakimi shprehet se, sa për kritikët, besoj se koha do të dëshmojë qëllimin e pranimit të mandatit .
Statusi i Halil Jakimit
Të dashur miq!
Të dashur bashkëqytetarë të mi!
Sot u betova në Kuvend si deputet i opozitës për t’ju përfaqësuar juve, të gjithë ata qytetarë të qarkut Dibër që më besuan dhe votuan!
Unë, Halil Jakimi udhëhiqem vetëm nga parime të interesit kombëtar që janë në dobi të qytetarëve në tërësi dhe atyre të Dibrës në veçanti.
Dhe nga këto parime do vazhdoj të udhëhiqem dhe në vijim; për të ngritur zërin mbi problematikat e vendit tim dhe për të kontribuar në eliminimin e tyre!
Falënderoj të gjithë ata qytetarë që më kanë mbështetur, pavarësisht bindjeve politike, por që janë besimplotë se unë si një i ri do të përcjell zërin e tyre në Parlament.
Sa për kritikët, besoj se koha do të dëshmojë qëllimin e pranimit të mandatit!
Discussion about this post