Sa shkel Arta Marku në rrethe lëvizen gurët, ç’ndodhi në Shkodër, Elbasan dhe Durrës

Rastësi apo jo analiza e kryeprokurores Arta Marku në rrethe ka përkuar me një valë arrestimesh nga Shkodra në Elbasan dhe Durrës.

Pas vizitës së saj në Prokurorinë e Shkodrës që është edhe ish-vendi i saj i punës, u bë e mundur identifikimi dhe arrestimi i dy autorëve të dyshuar për shpërthimin me tritol ndaj Lulzim Kullës në 13 janar. Po ashtu në pranga ra dhe një tjetër i ri, i cili kishte ndihmuar në fshehjen e autorëve.

Më tej fill pas vizitës së Markut në Elbasan, në këtë qytet u arrestuan disa persona si pjesë e një grupi kriminal. Atyre ju sekuestruan mina dhe lëndë të tjera plasëse, ndërsa dyshohen si të përfshirë në disa ngjarje.

Si rezultat i këtij operacioni të finalizuar me sukses pas një hetimi disa mujor me metoda speciale, u arrestuan në flagrancë 5 shtetas dhe 1 u shpall në kërkim. Ata janë: – Geraldo Yzeirllari, 20 vjeç, banues në Pogradec; – Kristi Maxhari, 21 vjeç, banues në Pogradec; – Kristian Petani, 22 vjeç, banues në Pogradec; – Edmond Abazi, 39 vjeç, banues në fshatin Hudenisht, Pogradec; – Gazmor Kokla, 39 vjeç, banues në fshatin Gribë, Gramsh.

Vizita e tretë që përkon me arrestime është ajo në Prokurorinë e Durrësit gjatë ditës së djeshme. Më këtë qytet sot u arrestuan katër zyrtarë të lartë. Mes tyre dhe ish-kreu i komunës së Ishmit si dhe punonjës të hipotekës. Ata akuzohen për falsifikim dokumentesh si dhe shpërdorim detyre.

Katër të arrestuarit janë: Sulejman Ibrahimi, ish-kryetar i Komunës Ishëm, Enver Shima, Shpresa Merdita, punonjëse e urbanistikës dhe Ornela Shëmlikaj. 

Sot Marku ka nisur një vizitë në Prokurorinë e Fierit dhe në atë të Vlorës, do të na duhet që të presim deri nesër nëse seritë e arrestimeve do të vijojnë.

Mesa duket prokuroritë e rretheve kanë nevojë për instruksione shtesë nga lart që të lëvizen gurët. 

Fakt është që Arta Marku ka marrë përkrahjen e trupit diplomatik që është akredituar në Shqipëri, edhe pse opozita e ka kontestuar fort zgjedhjen e saj. 

(E.K/FAXWEB)

Lexoni lajmet: 

https://faxweb.al/analiza-e-prokurorise-arta-marku-zbarkon-ne-shkoder/

Shpërthimi me eksploziv në Shkodër, policia arreston autorët (EMRAT)

https://faxweb.al/marku-mesazh-te-forte-nga-elbasani-te-hetohen-grupet-kriminale/

https://faxweb.al/aksioni-ne-elbasan-policia-jane-arrestuar-5-persona-detaje/

https://faxweb.al/priten-arrestime-te-bujshme-kryeprokurorja-marku-takim-ne-prokurorine-e-durresit/

https://faxweb.al/abuzimet-ne-bregdetin-e-durresit-4-ne-pranga-ish-kryekomunari-dhe-motra-e-tij/