Sadije Berisha ka reaguar pas sulmit terrorist të Stokholmit në Suedi.
Ajo ka shkruar në rrjetet sociale se situata është me të vërtetë e rëndë duke përshkruar se jashtë ka zhurma, të shtëna dhe helikopterë.
“Më në fund jemi të gjithë të sigurtë. Jashtë është çmenduri. Zhurma armësh, ambulanca, forca speciale policore dhe helikopterë”,- shkruan Sadije Berisha.
Ajo ka markuar veten si të sigurtë në rrjetet sociale në opsionin që ato ofrojnë në kësi ngjarjesh.
Sadije Berisha jeton në Stokholm.
Një sulm i rëndë ka ndodhur në Suedi ku një kamion ka hyrë mes turmës së njerëzve në Stokholm. Sipas mediave vendase rruga ky hyri kamioni është një ndër më të frekuentuarat nga këmbësorët. Deri më tani raportohen 5 të vdekur dhe disa të plagosur.
Policia ka mbërritur në vendngjarje dhe ka evakuuar banorët. Sipas dëshmitarëve janë dëgjuar edhe disa të shtëna me armë zjarri. Bëhet fjalë për sulm terrorist. (M.D/Shuplaka)
