Sadiku do të luajë në kampionatin polak me Legian e Varshavës, kryen vizitat mjekësore

Pak ka zgjatur zhgënjimi i Sadikut pas largimit nga Zvicra. Sulmuesi i kombëtares shqiptare në sezonin e ardhshëm do të jetë pjesë e kampionatit polak.

Ai ka vendosur të transferohet nga Zyrihu i Zvicrës drejt kampionëve të Polonisë, Legia e Varshavës.

Sipas mediave polake, sulmuesi nga Elbasani ndodhet aktualisht në klinikën “Enel Sport” duke kryer vizitat mjekësore për të vazhduar më pas me firmosjen e kontratës.

Ende nuk dihen shifrat e këtij transferimi, por fakti që Sadiku do të luajë me Legian tashmë është i konfirmuar.

(E.K/SHUPLAKA)