Armando Sadiku është zyrtarisht lojtar i Luganos. Skuadra nga Tiçino e ka bërë zyrtare transferimin e sulmuesit shqiptar nga ekipi i Zyrihut që kryeson në Ligën e Dytë të Zvicrës. 
Sadiku do të jetë nën urdhërat e ish-asistentit të De Biazit, italianit Paolo Tramexani me të cili ka punuar dhe në Kombëtare.
25-vjeçari do të qëndrojë te Lugano i huazuar deri në fund të këtij sezoni. Ndërkohë kujtojmë që futbollisti elbasanas ka luajtur më parë me Luganon para se të transferohej te Zyrihu në janarin e 2014-ës.
