Safet Gjici i ka bërë dje një ofertë publike ish-kapitenit të Skënderbeut, Bledi Shkëmbi, për të marrë drejtimin e Kukësit.
“Përshëndes Bledi Shkëmbin, një prej lojtarëve më të jashtëzakonshëm të futbollit shqiptar. I uroj suksese në karrierën si trajner dhe pse jo në të ardhmen ta kem trajner të skuadrës sime. Më bëhet qejfi që edhe ai ndodhet këtu në festën e Kukësit. Aktualisht, kemi Gjokën, por i them Shkëmbit të shohë edhe nga Kukësi”, ka thënë presidenti i Kukësit për “Supersport”.
I pyetur nëse e kanë uruar presidentët e klubeve të tjera për fitimin e titullit, Gjici u shpreh: “I ftova të gjithë presidentët e Kategorisë Superiore, ndryshe nga të tjerët që nuk na kanë ftuar. Natyrisht kam pasur mesazhe nga disa presidentë. Është një garë: dikush do të fitojë dhe tjetri do t’i shtrëngojë dorën fituesit siç kam bërë unë me presidentin e Skënderbeut”.
Discussion about this post