Saffie vetëm 8 vjeç, përballë ”djallit”, si e hapi e përditshmja ”The Sun” faqen e parë pas sulmit në Manchester

Sulmi me 22 viktima dhe 119 të plagosur tronditi jo pak Anglinë dhe gjithë botën. Shumica e të prekurve nga sulmi me eksploziv ishin fëmijë dhe kjo e shton edhe më shumë dhimbjen.

ISIS mori përsipër përgjegjësinë e këtij sulmi, ndërkohë që siguria e Europës është vënë sërish në alarm.

Autoritetet britanike e identifikuan autorin si Salman Abedi 23 vjeç me origjinë nga Libia. Ai hodhi veten në erë në stadiumin ku zhvillohej koncert.

Nga ana tjetër viktima me moshën më të re në sulm ishte Saffie, vetëm 8 vjeç. Duke marrë shkas nga ky paralelizëm, britanikja ‘’The Sun’’e ka hapur sot faqen e saj të parë me një montazh të të dyve.

‘’Pastërtia dhe djalli’’, shkruhet në foto. Kujtojmë se menjëherë pas sulmit prindërit e të rinjve që ishin pjesë e koncertit kanë qenë në panik deri në momentin kur kanë marrë lajme për fëmijët e tyre. (E.K/SHUPLAKA)