Një 37-vjeçare shqiptare gjeti vdekjen pak ditë më parë në një aksident tragjik. Ajo u identifikua si Valbona Daci (Valeria), e cila u aksidentua për vdekje pas përplasjes kokë më kokë të mjetit të saj me një “BMË” teksa kthehej nga puna.
Detaje të dhimbshme bëhen të ditura mbi jetën e saj, e shoqëruar nga tragjedi. Të afërm të Valerias, të cilët banojnë në Durrës, kanë bërë të ditur për “DurrësLajm” se vajza nga Elbasani u zhvendos në Itali pas një martese të dështuar në Shqipëri, duke marrë me vete vajzën e saj.
Pas shpërnguljes në Catania, ku ndodhet edhe motra e saj, ajo nisi një jetë të re me të bijën, e cila përfundoi tragjikisht. Tragjeditë që kanë shoqëruar jetën e saj, janë djegia e motrës së madhe në vogëli, por që shpëtoi fatmirësisht dhe vrasja e të vëllait të vetëm në Firenze të Italisë, autori i të cilit nuk është gjetur ende. Prindërit e saj, të shokuar nga kjo tragjedi, të cilët jetojnë në mjerim në Elbasan, nuk munden dot të udhëtojnë drejt Italisë për shkak të gjendjes së rënduar shëndetësore.
(XH.A/SHUPLAKA)
