Ish-Ministri i Brendshëm Saimir Tahiri dhe ish-drejtori i Policisë së Vlorës Jaeld Çela pritet që të dorëzojnë gjatë ditës së sotme rekurs në Gjykatën e Lartë, për vendimin e dhënë në apel, për rikthimin e hetimeve në pikën zero.
Ish-ministri është nën akuzë për trafik narkotikësh në kuadër të grupit kriminal, ndërsa Gjykata e Krimeve të Rënda dënoi Tahirin e Çelën për “shpërdorim detyre”.
Avokati i Tahirit, Maksim Haxhia është shprehur më herët se përvecc rekursit në Gjykatën e Lartë, do të kërkojnë pezullimin e gjykimit në shkallën e parë deri sa të shprehet kolegji penal i Gjykatës së Lartë.
Por ajo që natyrshëm pyetet në këtë rast është: edhe sa kohë do të zvarritet ky proces, në kushtet kur Gjykata e Lartë është jashtë funksionit, me vetëm 3 anëtarë dhe një stok prej 35 mijë dosjesh?!
