Ministri i Brendshëm, Saimir Tahiri, ka zhvilluar së fundmi një takim me shoqëritë private të sigurisë fizike. Në vëmendje të këtij takimi ishte paga e ulët për punonjësit privatë të sigurisë.
Tahiri u shpreh se nuk mund të tolerohet që një polic privat të paguhet me 180 mijë lekë, ndaj do të merren masa ndaj bankave, kompanive private që nuk bëjnë detyrën dhe që abuzojnë me përfitimet.
“Do të prodhojmë më shumë siguri. Do të rrisim standardet. Janë vjedhur banka kompanitë private nuk kanë bërë detyrën, policia private nuk ka ende rolin që duhet të ketë, sot një polic privat paguhet 40% të pagës së deklaruar.
Nuk mund të paguhet më polici 180 mijë lekë, jo më pagesa nën 330 mijë për policët. Kontratat tuaja në vit shkojnë mbi 20 mln euro, e pafalshme që ky përfitim të shkojë në disa xhepa. Policia private duhet të ketë standardet europiane.
Nuk duam një Shqipëri ku polici privat të rrijë si gjynafqar, që rri për 180 mijë lekë. Nuk është kjo Shqipëria që duam.”, u shpreh ndër të tjera ministri Tahiri. (XH.A/SHUPLAKA)
Discussion about this post