Saimir Tahiri mes militantëve, aheng në lokalin e natës me duhan dhe para. VIDEO si dëfren ish-ministri

Aheng, para, duhan. Kjo shihet nga video e dëfrimit mes militantësh të PS-së, e ish-ministrit të Punëve të Brendshme Saimir Tahiri.

Popullor, që nuk heziton t’i afrohet rrethit të të rinjve të PS-së që kërcejnë me muzikë popullore. Pas pak nuk mungojnë as duhani e as paratë e dorovitjes.

Pas shkarkimit nga kryeministri Edi Rama duket se Tahiri e ka marrë me vrull punën e zgjedhjeve. Kreu i PS-së së Tiranës feston me të rinjtë e Njësisë 1 dhe siç e përcaktojnë vetë këta të rinj për një ”mbrëmje ndryshe”.

Tahiri gjatë kërcimit të Napolonit dhe muzikës së Shqipërisë së mesme, shkrep edhe foto me të rinjtë, një prej të cilëve nxjerr edhe para. (V.G/SHUPLAKA)