Ditën e djeshme këngëtarja dhe biznesmenia e njohur Rezarta Shkurta ka pasur ditëlindjen. Në këtë ditë Rezarta nuk ka munguar as me sarkazmën dhe ironinë e saj me disa nga krerët më të lartë të politikës në vend.
Në Instagram ajo ka postuar ‘’urimet” e Saimir Tahirit, Edi Ramës dhe Sali Berishës. Sigurisht që ndonjë inspirim e ka pasur Rezi që ua ka punuar këtë reng. Edhe pse gjithçka duket reale, nëse i sheh me vemëndje mesazhet kuptohet që është një lojë e stisur nga ana e këngëtares.
‘’Rezart gëzuar ditëlindjen e dashur! Këto ditë të kam menduar gjatë. Sa herë që shihja djalin tim që rrezikonte të rrinte pa babanë, mendova vajzën tënde që u rrit pa babain, se mua kështu ma donte qejfi.
Po më zën haqet e tua Rez, prandaj për ditëlindjen tënde do të lutesha të më falësh”, shkruhet në mesazhin që këngëtarja ka postuar në Instastory, duke supozuar që vjen nga ana e ish-ministrit të Brendshëm Saimir Tahiri.
Bashkëshorti i këngëtares Ermal Hoxha, prej kohësh tashmë është në burg, nën akuzën e trafikimit të lëndëve narkotike, ndërsa pak ditë më parë u njoh dhe me dënimin përfundimtar të tij 6 vite e 8 muaj burg.
Po ashtu me të njëjtën dozë humori të zi Rezarta ka postuar dhe urimet e supozuara nga ana e kryeministrit Rama dhe ish-kryeministrit Berisha.
Të njëjtën taktikë ka përdorur pak kohë më parë dhe Bes Kallaku në ftesat e dasmës së tij. Aq seriozë u morën mesazhet e tij, saqë zyra e shtypi në PD njoftoi mediat për të përgenjështruar lajmin.
(E.K/Faxweb)
Discussion about this post