Saimir Kodrën nuk e kemi zakon ta shohim përtej emisioneve që ai vetë drejton. Nga ‘’Fiksi’’ te ‘’Stop’’ duket se ai është një nga njerëzit më të vendosur për të bërë programe me karakter investigues.
Ai ka qenë i ftuar në emisionin ‘Tek unë me Ajola Shehun’ ku ka treguar dhe pse nuk është pjesë shpesh e televizioneve. Ai thotë se duke qenë se është i angazhuar me programet që drejton nuk i mbetet shumë kohë që të ndajë në emisione të tjera.
Saimir ka treguar gjithashtu edhe njohjen e tij me bashkëshorten që dot ka një djalë 7-vjeçar. “Këtë nuk e kam thënë asnjëherë…” fillon rrëfimin e tij Saimiri, i cili zbulon sesi nisi historia me Adën.
“Unë me Adën jam takuar në Top Channel, kur ajo ishte e angazhuar në emisionin Fiks Fare. Por qëndroi shumë pak në atë pozicion pune që kishte. E kisha parë edhe më parë sepse bashkëshortja ime ka qënë pjesë e spektakleve që organizoheshin në ate kohë.
Ishim në ambientet e Top Channel dhe unë në një moment i marr telefonin Adës dhe i bie numrit tim, për të marr numrin e saj. Dhe pastaj filluam me ngacmime, me mesazhe dhe kështu filloi gjithcka, por këtë nuk e kam treguar asnjëherë!”, tha Saimiri. (E.K/SHUPLAKA)
