“Sajmir Shullazi dhe Emiliano Tahiri në sintoni të plotë me njëri-tjetrin”. Kështu është shprehur Lulzim Basha për gjyqin sot ndaj Shullazit.
Sipas Bashës t’i kërkosh Edi Ramës të luftojë krimin e organizuar është njësoj si t’i kërkosh të luftojë vetveten.
“Sajmir Shullazi dhe Emiliano Tahiri ne sintoni te plote me njeri tjetrin kerkojne deshmine e Sali Berishes. Kjo natyrisht nuk eshte rastesi por nje perpjekje e kordinuar mes dy ortakeve me urdher te Edi Rames per te larguar vemendjen nga krimet dhe trafiqet ku jane perfshire se bashku. Ti kerkosh Edi Rames te luftoje krimin e organizuar eshte njesoj si ti kerkosh te luftoje vetveten.”, shprehet Basha.
Sjellim në vëmendje që seancën e sotme ndaj Emiliano Shullazit u thirrën për të dëshmuar shtatë zyrtarë ku mes tyre ishte edhe ish-ministri i brendshëm Sajmir Tahiri, Drejtori i Përgjithshëm i Policisë së Shtetit Haki Çako, rektori Mynyr Koni dhe ish-rektori Dhori Kule.
Tahiri u paraqit me pak vonëse në seancë, ndërsa ka qenë ai i pari që thumboi gjatë gjithë kohës ish-kryeministrin Berisha.
Ish-ministri i Brendshëm tha se kërcënimin për Konen e ka dëgjuar nga një status i Berishës, dhe Tahiri vijoi më tej duke thënë se nuk e kuptonte se pse në seancë nuk ishte i pranishëm Berisha. Ish-ministri pranoi po ashtu se në zyrën e tij kishte pritur Kulen dhe Konin, ndërsa më pas e ka referuar ngjarjen në Polici. Ndërsa Çako tha se është telefonuar nga ministria Nikolla. (J.V/Shuplaka)
Discussion about this post