Kukësi u shpall për herë të parë kampion në Superligën Shqiptare. Ky ka qenë një nga sezonet më të luftuar në fakt dhe Presidenti Gjici është shfaqur mjaft entuziast.
Nga ana tjetër nuk kanë munguar akuzat dhe kundërakuzat mes palëve të cilët hedhin fjalë për trukime ndeshjesh. I ftuar dje në ‘’Rubrika Sportive’’, Gjici ka debatuar me moderatoren Hygerta Sakos. Në një moment të emisionit ai i ka thënë gazetares ‘’mos më organizo më emisione të tilla’’. Kur ajo është munduar ta pyesë se pse e thotë këtë Gjici, është shprehur se të gjithë tentojnë të sulmojnë arritjet e Kukësit.
Debati mes Sakos dhe Gjicit:
Gjici: Të kam thënë dhe njëherë tjetër mos më organizo emisione të tilla në favor të ekipeve rivale
Sako: Si, si Zoti Gjici, sdi ishte kjo që ne ndërtojmë emsione në favor të ekipeve rivale
Gjici; Tani kjo është ajo që them unë, tjetra as ti as kërrkush nuk mund të njollos ekipin, gjithmonë në emisionin
Dhe debati ka vijuar mes të dyve, ku Gjici është munduar të zbusë paksa tonet.
Moderatorja ka sqaruar se ata janë treguar korrektë deri më tani me atë cka kanë raportuar për Kukësin. (E.K/SHUPLAKA)
Discussion about this post