Ditën e sotme, gjatë transmetimit të emisionit të saj të pasdites, moderatorja Rudina Magjistari ka zbuluar dhe një informacion që i përket jetës së saj personale. I ftuar në studio ishte Dj i njohur Vicky dhe një ndër tematikat e trajtuara ishte dhe familja.
Vicky tregoi se ai dhe i biri i tij ndajnë të njëjtën ditëlindje. “Ishte një bekim dhe dhurata më e bukur që mund të merrja për ditëlindje, por tani kam kuptuar që askush nuk më uron mua se të gjithë e kanë mendjen te djali”, u shpreh ai. Teksa dëgjoi këtë rrëfim, Rudina zbuloi se i shoqi saj, Xhavit Bajrami dhe vajza e tyre Mia, e kanë ditëlindjen me një ditë diferencë.
“Edhe bashkëshorti im gjendet gati në të njëjtën situatë. Ata në fakt e kanë me një ditë diferencë. Po festa bëhet për vajzën, kurse për bashkëshortin mbetet vetëm torta. Është një sakrificë kjo që e bëjnë me qejf baballarët”, u shpreh Rudina në studio.
