Ish-kryeministri Sali Berisha ka reaguar fill pas konferencës së gjatë që kryeministri Edi Rama pati mesditën e sotme me gazetarët.
Duke postuar disa foto nga protesta e fundit e opozitës, Berisha i kërkon Ramës që të kthjellohe, dhe ti japë fund strehimit nëpër bunkere.
“Dy foto per Edvinin dhe ndonje keshille per Edvinin!
Edvin nuk mbahet pushteti me viza, gaz, helm, horra, strehime ne bunker dhe monologje boshe!
Hiqi vizat, kthjellohu per nje moment. Shiko vetem keto dy foto qe po ti postoj per te te ndihmuar sadopak! Nuk shpetohet lekura duke braktisur zyren dhe fshehur ne vend strehimet e Enverit!Mbathja nje minute e me pare. Rama ik! Sb”, shkruan Berisha në reagimin e tij.
Kujtojmë se në konferencën e sotme të Ramës me gazetarët u vërejt vullneti i tij për t’u ulur në dialog, me kushtin e vetëm që zgjedhjet lokale të 30 Qershorit të mos shtyhen.
Rama tha se ai nuk mund të dilte mbi kushtetutën e vendit, e cila parashikon dhe afatet për mbajtjen e zgjedhjeve lokale.
(E.K/Faxweb.al)
Discussion about this post